Backlinks Kya Hote Hai aur Backlinks Kaise Banate Hai?

Backlinks kya hote hai | Backlinks kitne type ke hote hai | Backlinks kaise banate hai?

Backlinks kya hote hai aur Backlinks kaise banate hai ko lekar bahut logon ke mann mein doubt hoga, to aaj ham usi ke upar baat karenge. Apne blog ko successful banane ke liye bloggers har din kuch na kuch naya sikhte rehte hain, jisse ki agar voh kuch naya karenge apne blog mein to unka blog dheere dheere famous ho jayega.

Aur duniya ke sabhi log unke blog ko access kar payenge. Apne blog ko famous banane ke bahut se method hain unmein se ek hai SEO, jiske blog mein use karke aap apne knowledge ko duniya bhar ke logon ke saath share kar sakte hain. Jab baat hoti hai SEO ki tab usse judi sabse zaroori cheez ka khyaal sabke mann mein aata hai aur voh hai Backlinks.

Jo log pehle se hi Blogging ki field mein hain unhe Backlinks ke baare mein pata hota hai aur jo iss field mein naye hain aur apne new blog ke shuruwaat kar rahe hain unn logon ko iske baare mein jaanna bahut zaroori hai. Isliye aaj main aapko backlinks ke baare mein batane wala hun ki backlinks kya hota hai, backlinks kitne type ke hote hai, aur backlinks kaise banate hai? Jo aapke blog ko Google SERP par high ranking par laane ke liye help karega.

Backlinks kya hote hai - What is Backlinks in SEO?

Backlink ek aisa link hota hai jo dusri website se aapki website tak jaane ka raasta banata hai. Jab ek webpage ka link dusre web page ke link ke saath juda hua hota hai useh ham Backlink kehte hain. To chaliye main aapko example ke saath simple tarike se batata hun ki actually backlinks kya hote hai.

• Jaisa ki maan lijiye koi ek achchi website hai jahan bahut se visitors uske page mein articles padhne ko aate hain, agar aapki website ka link uss web page mein diya gaya hoga toh uss page mein aane waale visitors aapki site ke link par click karke aapke web page mein bhi aa jaate hain.
  
• Jisse ki aapki bhi site mein visitors har din badhne lagenge aur aapki website search engine results page mein achche rank par aane lagegi, isi cheez ko ham backlinks kehte hain.

Umeed karta hun aap samajh gaye honge ki backlinks kya hote hai. Ab aapko isse related kuch terms hain jinke baare mein aapko jaanna bahut important hai tabhi aap iske baare mein achche se samajh payenge aur iska use apne blog mein karenge. To chaliye jaante hain unn terms ke baare mein:-

• Link Juice:

Jab ek web page ka link aapki website ke kisi bhi ek article ke link se ya fir aapke homepage se juda hua hota hai, toh wahan se link flow ho kar aapki website tak pahuchta hai useh ham link juice kehte hain. Yeh link juice aapke article ko rank karne mein help karta hai aur aapki website ki domain authority ko bhi improve karta hai.

• Low Quality Links:

Low quality links vo links hote hain jo kisi galat websites, spam websites ya fir porn websites se aapki website par aa rahe hote hain. Aise links aapki website ko sirf nuksaan hi pahucha sakte hain, isliye jab bhi aap backlinks ka use apne blog mein kar rahe ho toh iss cheez ka dhyaan zaroor rakhein ki aapke blog ke link high quality link se jude hone chahiye.

•  High Quality Links:

High quality backlinks quality website se aati hain, quality website voh hoti hain jo popular hoti hain aur jinki value Google mein jyada rehti hai. Agar aapki website mein bhi quality website se backlink milte hain toh search engine mein aapki website ko high ranking milegi.

Quality backlinks mein aapko ek cheez ka khaas dhyaan rakhna padega ki aapko authorative aur relevant websites se backlink mile, iska matlab hai ki aapka blog jis niche par bana hai aap usi niche se related dusre blog ke saath hi backlink banane chahiye. Jaise maan lijiye ki aapke blog digital marketing se related hai toh aapko digital marketing se related hi dusre blog se backlink banane hain aur kisi dusre fashion se related blog se link create karenge toh isse aapko koi bhi benefit nahi hoga.

• Internal Links:

Yeh voh link hote hain jo aapki website ke ek page se lekar dusre page tak jaate hain, iseh ham internal links kehte hain. Jaisa ki maan lijiye aapki website ka ek article Google ke page mein bahut achche rank par hai aur aap apne dusre article ko bhi usi ki tarah Google par achche rank par laana chahte hain.

Yahan tak hamne samajh liya hai ki backlinks kya hote hai? aur isse jude huye kuch terms ke baare mein bhi hamne jaana. Ab ham jaanenge ki backlinks kitne type ke hote hai.

Backlinks kitne type ke hote hai - Types of Backlinks in SEO?

Backlink 2 type ke hote hain ek hain Dofollow Backlink aur dusra hai Nofollow Backlink, to chaliye inke baare mein detail mein jaante hain.

• Do-Follow Backlink:

Maine aapko link juice ke baare mein pehle hi bata diya hai, do-follow backlink link juice ko pass karne ke liye help karta hai, jo ki ek website se dusri website mein jaane ka raasta deta hai link banata hai useh do-follow backlink kehte hain. By default saare links jo bhi aap dusri website pe ya blog post par dete hain vo sabhi do-follow backlink hote hain.

Do-Follow link aapki website ki ranking ko search engine mein badhaane mein bahut help karte hain aur yeh aapke blog ke liye bahut beneficial ho sakte hain. Ek do-follow link mein koi bhi attribute nahi rehta hai.

<a href="yourwebsite.com">Link Text</a

• No-Follow Backlink:

No-follow backlink ek website se dusri website tak link juice pass nahi karta hai. No-follow links ka search engine mein bhi koi value nahi hoti hai. No-follow link aapki website ko rank karne mein bilkul kaam nahi karta hai.

Iske alawa no-follow backlink aapke blog ke liye kuch hadh tak beneficial saabit ho sakta hai. Yeh aapki profile link ko natural look dete hain. Agar aapka saare link do-follow honge toh Google ko aisa lagega ki aapki profile natural nahi hai aur aapko uske liye penalize bhi kar sakta hai.

Iss link ka ek aur benefit hai ki agar aapki website mein kisi aur website ka link hai jahan kuch cheezein aapko pasand na aaye ya aapko galat lage toh aap uss link ke saath no-follow attribute add kar sakte hain. Isse aapki website ka link uss website tak nahi jaa payega. For example:

<a href="yourwebsite.com" rel="nofollow">Link Text</a

Blog ke liye backlinks kaise banate hai - How to create a Backlinks?

Har ek new blogger ke mann mein backlinks kaise banate hai ko lekar bahut confusion dikhaayi deti hain. Apne blog ke liye quality backlink banana bahut hi jyada zaroori hai jo aapke blog pe visitors ko badhane aur famous karne mein help karta hai.

• Backlinks banane ke liye koi limit nahi hai aap jitne chahein utne backlinks create kar sakte hain, lekin voh sabhi links aapko quality website se create karne zaroori hain fir chahe aap hazaaro backlinks kyun na bana lein.
  
• Agar voh quality website se nahi honge toh aapke blog ka isse koi benefit nahi hoga aur yeh bhi ho sakta hai ki Google aapke blog ko future mein penalize bhi kar de. Backlinks banane ke liye aap hamare Backlink Checker Tool ki help le sakte hain.

Isliye apne blog ke liye backlinks kaise banate hai iske baare mein aapko jaanna hai toh niche diye gaya points ko achchi tarah se samajh lein.

• Quality Content:

Apne blog ke liye backlinks banane ke liye yeh sabse achcha method hai. Apne blog mein achche se achche quality contents likhein jo ki aapke visitors ko pasand aayein aur uss content se unhe kuch seekhne ko bhi mile. Achche content likhne se aapki website bhi jald se jald Google Search Engine Results Page mein achche rank par aa jaati hai.

• Guest Blogging:

Aajkal blogging ki duniya mein guest blogging ki popularity bahut hi fast badh rahi hai. Guest blogging ka matlab hai ki kuch popular blogs mein apna guest post submit karna hota hai. Apne blog ko dusre popular blog mein promote karne ka yeh bahut hi achcha method hai jisse ki uss blog ke visitors aapke blog ke baare mein dheere dheere jaanne lagenge aur aapke blog mein traffic aane lagega. Guest blogging ki help se aapko achchi backlinks milegi.

• Comment Backlinks:

Apne hi blog ke niche se related dusre achche blogs par comment karna shuru kar dein isse aapke blog ko no-follow links milta hai aur yeh kuch hadh tak beneficial hai. Jis bhi blog mein aap comment karenge wahan comment ke saath saath apne blog ka URL dena na bhoolein, aisa karne se aapko achche backlinks milenge aur uske saath saath aapke blog par jyada visitors aane lagenge jisse aapki website ki ranking bhi badhne lagegi.

Conclusion:

Backlinks, blog aur website ke liye hamesha se hi beneficial raha hai. I hope ki iss article se aapko backlinks kya hote hain, backlinks kaise banate hai aur backlinks kitne type ke hote hai se related sabhi important cheezon ke baare mein jaankari mil gayi hogi, toh apne blog ko Google mein jaldi ranking ke liye backlinks banana start kar dijiye.

Agar aapko hamara yeh article pasand aaya ho toh iseh apne friends ke saath zaroor share karein. Jisse jyada se jyada logon tak yeh backlink ke baare mein jaankari pahuch sake. Umeed hai ki aap hamare blog par nayi jaankari ke liye dobara zaroor aayenge.

Agar aap chahein toh Blogging se related koi bhi information lene ke liye hamare Youtube Channel ko bhi subsribe kar sakte hain. Hamara channel subscribe karein hamare channel ka naam hai Pro Jaankari.

May You Like - Blogger Me Table of Contents Kaise Add Kare || How To Remove ?m=1 in Blogger

Frequently Asked Question (FAQ)

• Backlinks kaise banate hai?

Jab aap apne site ka Homepage ke liye backlink banate hai toh isse aapki website ki Domain Authority badhti hai aur agar aap kisi page ke liye backlink banate hai toh usse aapke Page Authority badhti hai.

• Backlink kya hai aur quality backlink kaise banaye?

Hamare kisi blog web page ka link kisi dusri website par hone backlink kehlaata hai. 2022 mein Blog ko Rank karana hai toh toh aapki website par High Quality Backlink hone chahiye. Jo aapke blog ko Google Search Engine Results Page par High Ranking par laane ke liye help karta hai.

• Backlinks par kaam kaise kare?

Jab user koi question poochta hai toh aap uska answer likhein aur usmein apne relevant post ka link add karein. Is tarah se aap Quora jaise website par backlink bana sakte hain. Quora par backlink banane se aapko achcha traffic milta hai aur aap apni niche se related kisi aur forum website ko bhi join kar sakte hain aur wahan backlink bana sakte hain.

• Youtube backlink kya hai?

Youtube mein backlink banane se aapke blog ki authority increase hoti hai. Authority increase hone se Google SERP par rank hone lagenge. Ranking increase hone se aapke Blog ke upar traffic bhi aane lagega. Youtube par backlink banane se aapko Google ke saath saath Youtube se bhi traffic milne lagta hai.